MALING-MALI LAGI SI FATHER

•Disyembre 17, 2015 • 1 Puna

Kapag sinimulan nya ng maaga ang misa, advanced ang relo nya,
Kapag na late na simulan ang misa, pinaghihintay nya ang mga tao.
Kapag may mga construction project sya, magastos si Father.
Kapag walang project, walang pakialam si Father.

Kapag kasama nya ang mga babae, playboy
Kapag mga lalake, pinagdududahan.
Kapag mga youth, kahina hinala
Kapag matandang babae, mama’s boy
Kapag nakadistansya sa mga tao, anti social at isnabero.

praying_priest_440.jpg

Kapag kabarkada ay mga matatanda, old fashioned.
Kapag kasama ay mga bata, out of place

Kapag matagal ang oras nya sa pagpapakumpisal, mabagal
Kapag mabilis magpakumpisal, wala syang panahong making sa nangungumpisal
Kapag nagsermon sya ng more than ten minutes, boring at homily abuse na
Kapag maikli naman ang sermon nya, hindi sya prepared.

Kapag ang boses nya ay malakas, sinisigawan ang mga tao
Kapag mahinahon magsalita, hindi maintindihan ang kanyang sinsabi.
Kapag may kotse si Father, napaka materialistic nya
Kapag wala naman kotse, napaka impraktikal nya at madalas nag tricycle lang.

Kapag laging bumibisita sa mga pamilya, lakwatsero
Kapag lagi lang na nasa loob ng kanyang kwarto, walang pakialam sa kanyang mga parishioners
Kapag humihingi sya nga mga contributions at donations, napakagastos nya
Kapag hindi naman humihingi ng pera sa mga tao, napaka yabang nya

prayer.jpg

Kapag sya ay bata pa, walang karanasan,
Kapag matanda na, dapat ng maretire

Kapag nagsorry sya sa mga mali nagawa, plastic at hindi totoo
Kapag hindi naman nag sorry, wala syang puso
Lagi na lang mali si Father sa paningin ng iba…

Habang sya ay nabubuhay, laging may mga taong mas magagaling sa kanya…
Pero kapag sya ay namatay…walang gustong sumunod na mga anak at batang lalake na maging paring papalit sa kanya.

 

FOREVER SA TAMANG PANAHON

•Disyembre 16, 2015 • Mag-iwan ng Puna

PAG ALA-ALA…

Sa gitna ng maraming pagtatalo talo sa paniniwalang wala naman talagang forever, nandirito tayo ngayon sa selebrasyon kung saan magpapalitan ng pangakong panghambambuhay na magsasama sina Roger at Nida. Makalipas ang anim na buwang pagiging makasintahan, ito na ang tamang panahon para masabi nilang may forever nga talaga.

Ngayon araw na ito mga kapatid kong Roger at Nida, magpapalitan kayo ng pangako sa bawat isa, bago kayo humantong sa ganitong sitwasyon, kahapon, Nida, pinilit kitang balikan ang kwento ng inyong pag iibigan, kung paanong nagkakilala kayo ni Roger sa Facebook, messanger, sa pagpapalitan ng text messages, hanggang sa humantong ng unang pagkikita ninyo nuong June ng taong kasalukuyan, at naging saksi ang simbahang ito ng Manaoag.  Napakaganda na ginamit ninyo ang lugar na ito sa una ninyong pagkikita, at ito ay sinundan ng pag attend ng misa.

At ngayon, ang unang pagkikita ninyo sa simbahang ito, ay gagawin nating sagrado, mismong sa altar na kayo nagkita, hindi lang mga mata ang nagtagpo, pati na rin ang inyong mga puso. Sa mga nakalipas na mga buwan, inaalala natin kung gaano kabuti ng Diyos sa pagbubuklod Niya sa inyo.

Inaalala natin na ang Diyos ay tunay na napakabuti, kung paanong Siya ang Diyos ng pag ibig para sa inyo at Siya ring Diyos na nag magpapanatili sa pag iibigan ninyo hanggang sa marami pang taon na inyong pagsasamahan.

Inaalala natin ang tamis ng unang pagsasabi ni Nida ng “Yes” kay Roger, hanggang sa pagsasabi ng Yes sa bawat isa ngayon, magsasama sa hirap at sa ginhawa, sa sakit at kalusugan, hanggang sa kamatayan.

12395612_1491745017796518_2030589269_n.jpg

PAGDIRIWANG…

Marami tayong dapat ipagdiwang ngayong araw na ito…

Isang magandang gawain na ngayong kayo ay ikakasal, ito ay nakapaloob mismo sa selebrasyon ng Eukaristiya.  Ang Eukaristiya kung saan nag alay ng buhay si Kristo sa kanyang minamahal na simbahan.

Kayo man, Roger at Nida, ay inaanyayahan ni Kristo na gayahin ang Kanyang ginawa, maghahandog ng buhay sa bawat isa.

Mamaya sa kayo ay magpapalitan ng sumpaan sa harap ng altar, katulad ng sumpa ni Kristo nuong itinatag Niya ang banal na Eukaristiya, “ito ang aking katawan, ito ang aking dugo…na iaalay para sa inyo…”

Sasabihin ninyo rin yan mamaya sa isat isa: “Ito ang aking sarili…ito ay iyong iyo”

At kayo rin ay magpapalitan ng sumpaan sa paanan ng krus, katulad ng Inang Maria.  Kahit napakasakit ng sitwasyon na makita ang kanyang naghihirap na anak, hindi siya umalis, bagkus nanatili pa sya.  Ganuon din sana kayo, kapag may mga problemang darating, wag kayong aalis sa krus ni Kristo, tumayo manatili kayong nakatayo ruon at tiyak na kayo ay magtatagumpay.

Kasiyahan ng pagdiriwang na dapat nating ipangalandakan sa buong mundo na sagrado pa rin ang kasal.

Kasiyahan ng pagdiriwang na mapagtatagumpayan ang mga pagsubok. Magkakaiba ng hilig, magkaiba ng family background, ng values, ng attitude, pero naging isa at naging forever pa.

Kasiyahan ng pagdiriwang na pagbabahagi ng buhay at inspirasyon sa iba.

AT TAYO AY AASA…

At naniniwala tayong marami pa tayong dapat na tignan pa sa hinaharap, at naniniwala tayong makakayanan ang mga darating na problemang ito.

Mga kapatid kong Roger at Nida, ito na iyon, ito na ang tamang panahon para simulan ang forever.  Masaya ang bokasyong pag aasawa.  Wala na dapat ikatakot dahil kasama ninyo si Kristo sa bokasyong ito.  Commitment — iyong kasiyahan na magbibigay ka ng buong buo para sa minamahal mo, kahit masakit na masakit na, mananatili ka pa ring kasa kasama niya, kahit na sukang suka ka na, pilit mong tatanggapin. Pilit na kakalimutan ang sarili para mahalin ang iba.

At kapag dumating kayo sa punto na napanghihinaan na, tila baga ayaw ninyo na, gusto ninyo ng sumuko…balikan ninyo ang unang araw na nagkita kayo dito sa simbahan na ito, balikan ninyo ang araw na ito, kung saan naramdaman ninyo ang pagtawag ng Diyos sa inyo na kayo ay magsasama forever.  Ngayong taon na ito, Taon ng Eukaristiya at Pamilya, maging matatag kayo, gawin ninyong sentro ang Diyos na nasa Eukaristiya ang inyong buhay pagpapamilya at tinitiyak kong kayo ay patuloy na magiging maligaya.

Ito na iyon, Roger and Nida…this is it! Sa sobrang pagmamahal sa inyo ng Diyos, ibinigay Nya ang isat isa sa inyo, Ito na iyon, simula na ang forever, ito na ang tamang panahon.

TWENTY NINE YEARS OLD

•Nobyembre 16, 2015 • Mag-iwan ng Puna

This is the birthday reflection of my Brother Kiet, (SSS Scholastic Seminarian, under the Vietnamese Province), enjoy reading and be inspired with his reflection – Lk 12:54-59.

Heraclitus is an ancient Greek Philosopher. There is a famous word tospecial moment characterize his thought about the fundamental essence of the universe that “no man ever steps in the same river twice.” For him, every thing flows; everything changes and nothing remains still; so everything is always new. Today is my birthday – the 29th anniversary. Twenty nine anniversaries are different from each other along with various situations, even myself main person in the anniversary is different too. This birthday likewise is the second time I celebrate in Philippines.

Many people say that ending of year is the special moment for looking back themselves about all things happened in the life during whole year. Through this, they recognize what they did – good or bad; successful or unsuccessful so that they will learn from experience; then they plan for the coming year and attempt to gain many good things. This is not wrong. For my own opinion, however, the birthday is a special moment as well in which I examine myself. I recognize I am growing up day by day about physical and mental aspects. And I know that the life is so wonderful. There were joys and sorrows, happiness and sadness happened in the last whole year. Each day passed with each lesson I learned. 365 days are 365 lessons. I see I am so small in this world as a drop of water in the ocean or a grain of sand in the desert. I am nothing to be proud of myself. I don’t know what will happen to me or what is waiting for me tomorrow. Maybe today I am good, I am holy but tomorrow I will be bad, will be sinful; or maybe today I am bad, I am sinful but tomorrow I will be good, will be holy. Saint Augustine said, ‘there is no saint without a past, no sinner without a future’. This word is so meaningful and gives me much more hopefulness. I just know that I must always be humble and keep in prayer.

11181996_1480068755630811_2471612260582836238_n

In the Gospel today, the Jews are proud of predicting weather conditions just looking at the skies. Even they do not know about science and technology, they can tell when rain is coming or when a hot day is to be expected. But this talent of observation seems to fail them when the events concerning Jesus and their own salvations are in question. They do not have problem to examine the signs of their times. But Jesus sees through their inability. He calls them hypocrites – they perceive and know the meaning of signs of Jesus such as preaching, miracles, and proclamation of kingdom of God but they pretend not to understand them because they do not want to make a decision. They do not accept Jesus as the Messiah of God. They refuse to be converted and reject the gospel and its values. Besides that, Jesus gives people a way to resolve their conflicts among themselves. It is better to make agreeable settlement than to go to court. In the court cases, their situation is getting worse and worse. It also means to tell us that we have to be reconciled with God before we die, before the judgment day; but we do not know when God calls us to depart from the earth, so we need to be reunited with God always. Happily in the Eucharist, we celebrate the mystery of love, of forgiveness and of reconciliation. Originating in One Bread, One Body we are reconciled with God; moreover we are also settled any conflict each other. Amen. (October 23, 2015, Friday)

MAPALAD KA

•Nobyembre 16, 2015 • Mag-iwan ng Puna

Sino ba sa atin ang naghahangad at nagsasabing napakapalad ko kasi mahirap ?

Sino ba ang nasa tamang katinuan ang magsasabing mahal na mahal ako ng Diyos kasi wala akong makain at gutum na gutom ako?

Sino ba ang magsasabing mahal na mahal ako ng Diyos kasi ang dami kong problema at lagi akong tumatangis sa lungkot?

Sino ba ang tuwang tuwa dahil ang lahat ay inaaywan sya, at kaaway sya?

Marahil kung ang tugon ninyo ay ako iyan sa mga nabanggit kong mga katanungan, marahil wala ka sa tamang pag iisip, in short may sayad ka…

Pero sa ebanghelyong ng MAPAPALAD (The Beatitudes) ating mababas, kapag ikaw ay mahirap sa buhay, nagugutom, tumatangis at nilalayuan sa ngalan ng Panginoon, dapat kang matuwa dahil ikaw ay tunay na pinagpala…

images (1)

Mapalad ka, dahil yagit ka…

Maswerte ka dahil mukha kang gutum na gutom na…

Mahal ka ni Lord dahil marami kang problema…

Magsayaka dahil marami kang kaaway sa ngalan ng Diyos…

Sa Eukaristiya, nandun ang tunay na kayamanan, kabusugan, kaligayahan.  Sa ating tinatanggap na katawan at dugo bi Jesus, naway makita natin na tayo ay tunay na mahal na mahal N’ya at sa kanya lamang tayo sasandal at hindi sa kung sino at ano pa man, Amen.

PAMILYA AT EUKARISTIYA

•Nobyembre 16, 2015 • Mag-iwan ng Puna

Ano nga ba ang pamilya? Ito ang tinanong ko sa aking naging estudyante ng ang topic na pinag uusapan naming ay bokasyon.

Isang basic na sagot ng bata ang talagang natandaan ko:

FAMILY – Ang pamilya raw ay binubuo ng Father and Mother na may mga anak na nagsasabing  I Love You sa bawat isa.

 Tunay naman na ang pamilyang matatawag na Pamilya dahil ito ay binubuo ng tatay, nanay at mga anak, hindi ng dalawang lalake, o dalawang babae, at mag aampon na lang ng kanilang itutring na mga anak.  Iyan ang pinaka ngangambahan ngayon ng tadisyunal na depinisyon ng pamilya. Nakakatakot, napapalitan na ang tunay na layon ng pagpapamilya, ang maging kaisa ng Diyos sa pagbabahagi ng buhay, at ikalawa ay ang pagsasama.

Ako ay pamhambuhay na nagtalaga ng Evangelical Vows (perpetual profession) nuong August 15, at nang sumunod na araw ay naordinahan bilang diakono, nangangahulugan na tapos na at panibagong simula.  Nung ako naordinahan binigyan ng plake o certificate of recognition sina nanay at tatay ko bilang pasasalamat sa pagbabahagi nila sa akin sa simbahan.

11880619_1457801087857578_5705020221248521806_n

Ako ang produkto ng kanilang pagmamahalan nina tatay Ben at Nanay Lucing ko. Dahil sa kanila umusbong at nagbunga ang bokasyon ko sa pagpapari, tunay na ang pamilya ang pinag uugatan ng bokasyon.  Sa pamilya unang natututong maging bukas loob na maghandog buhay. Hindi rin naging mahirap sa akin ang maglaan ng sarili sa iba dahil ito rin ang namulatan ko sa kanila.

Ang TAHANAN ay ang lugar kung saan una tayong natutong magmahal. Dito tayo kumukuha ng lakas at tibay ng loob sa pagharap natin sa mundo.  Hindi ba kapag nakakaranas tayo ng matinding pagsubok, rejection mula sa ibang tao, ay nagbubunga ito ng pag iyak natin. At sa tahanan tayo ay muling pumapasok, sa tahanan tayo muling nakakasumpong ng katiyakan na mahal na mahal tayo ng pamilya. Sa tahanan, tumitigil ang ating paghikbi, tayo ay tumatahan sa ating pag iyak. Sa tahanan natin nakikita ang pananahan ng pagmamahalan at pagtanggap.

download

Ang EUKARISTIYA ay hindi naiiba sa mga aspetong ito, tayong mga Pilipino ay kilalang MEAL ORIENTED.  Mahilig tayong kumain, mahilig sa mga handaan, mahilig dumulog sa mesa.  At  ang pagkain ng buong pamilya sa hapag kainan ay isang mala Eukaristiya, dito naghahati sa kung ano ang kayang mapagsaluhan, naghahati hati at nagbabahagi ng mga karanasan sa buong isang araw na nagdaan, napupuno ng tawanan, nagiging lugar na mag bukas ng kanilang mga sarili. Isang commercial na alam kong very familiar kayo, ang commercial ng Lucky Me, kung saan ipinapakita ang kahalagahan ng pagkain ng sabay sabay ng pamilya.  Pinagbubuklod nito ang pamilya.

ANG EUKARISTIYA ANG NAGBUBUKLOD SA ATIN. Sa Eukaristiya, tayo ay inaanyayahan na maging iisang pamilyang sambyanan.  Naghabilin sa atin si Hesus, ang magmahalan gaya ng pagmamahal na ginawa niya sa kanyang mga apostol. Maging mapagkumbaba, maglingkod sa bawat isa.  Sinabi Niya, gawin ninyo ito bilang pag aala ala sa akin, ang ala alang, maglingkod at magmahalan.  Ang maging iisa sa kanyang Eukaristiya.

Ito ang hamon sa atin ngayon, na pagbuklurin ang bawat pamilya.  Hindi lamang ito misyon ng mga pari na kayo ay paalalahanan, ibinigay na ni Br. Noman sa inyo sa buong araw na ito, ano ngayon ang inyong tugon, kayo ay hinahamon.

Mga NANAY AT TATAY, lumaban naman tayo, bigyan naman natin ng magandang laban ang habilin ni Hesus sa atin na tayo ay maging matatag sa ating pagtugon ng kayo ay nagsumpaan sa harap ng Diyos nung kayo ay ikasal.  Ibangon natin muli ang nadapang pamilya. Muli nating pagningasin ang aandap andap na liwanag ng ating pamilya, hindi pa huli ang lahat, ito ay panibagong simulain sa atin.

SA LAHAT NG INA, naway gamitin ninyong inspirasyon ang mahal na Ina, ng tunay na pagiging tapat sa Diyos at sa pamilya. SA LAHAT NG TATAY, si San Jose ang inyong gawing lakas, tahimik na nakabantay sa kanyang pamilya. Gawin din nating inspirasyon ang kwento nina Vince at Trisha at ng kanilang mga anak, (A Love Affair movie), nagkamali, nadapa ngunit muling tumindig sa ngalan ng pamilya.

activities-i-like-and-dislike-doing-alone-with-my-family-or-friends-3-638

SA MGA ANAK, gawin ninyo ang dapat na gawin ng Kristiyanong anak at mga kabataan, huwag na lang basta itatapon ang mga aral na ipinagkaloob sa  inyo ng inyong mga magulang, bigyan ninyo rin sila ng magandang laban. Lalaban at tutulong na maging matatag ang pamilya.  At sa tulong nila alam ko makikita ninyo rin kung saang bokasyon kayo tinatawag. Huwag kayong mamadala sa kaway ng material na mundo, Huwag kayong matatakot.  Kumuha tayo ng inspirasyon sa ating Big Brother na si Hesus, ng tamang pagsunod sa Ama. Naway matulad tayo sa kanya na ang buhay natin ay hindi lang basta masasayang, kundi handa tayong humandusay – ang maghandog buhay para sa iba.

Nandyan ang Diyos, nandyan ang Eukaristiya.  Hindi kailanman tayo magkakawatak watak. Walang mag iisa, bagkos tayo ay pinagbubuklod.  Nasa sa atin na ang kasagutan, nasa sa atin na ang inspirasyon, atin pa ba itong pakakawalan? Amen.

Jesus, Maria at Jose, ang banal na mag anak ng Nazareth, ipanalangin ninyo kami.

HAYAY BUHAY…

•Nobyembre 16, 2015 • Mag-iwan ng Puna

Marami na akong na encounter na mga tao na ibat iba ang pagtingin at paraan ng pagpaahalaga sa buhay.

Si Joebel, ang namatay na ka batch namin. Nuong araw, bumubuo kami ng mga pangarap na magsasabay sabay na maging pari. Namatay sya sa sakit na kidney failure, tatlong taon na ang nakakaraan, nilabanan ang sakit upang humaba ang buhay.

Si Ate L, nalulungkot at naiiyak na lang sya sa sobrang takot dahil ang dalawang kasabayan nya sa dialysis ay wala na. Natatakot sya na baka sya na daw ang sumunod. Gusto pa niyang mabuhay.

Si Francis, ang isa sa mga naging estudyante ko, isang matapang at makulit na bata, tatlong taon na ang nakakaraan natagpuan na lang sya ng kanyang lola at mama nya na nakabigti sa kanilang bahay sa Tayuman, Maynila. Winakasan nya ang sariling buhay.

Si Mang Ricardo, driber ng van na byaheng pa Manaoag to Baguio, nakakuwentuhan ko kanina sa byahe, may walong anak, ang misis ay nasa bahay lang, at umaasa lahat sila sa kikitain nya sa pagda drive, ito ang sa kanila ay bumubuhay, si Mang Ricardo kumakayod sa buhay.

Si Br. Richie Fernando, seminaristang Jesuit, na assigned sa Cambodia. Naglaan ng buhay.

Marami pa itong mga kwentong ganito, iba iba ang kwento ng buhay iba ibang pamamaraan ng pagharap sa buhay.

12002750_1470829626554724_7068898651918894032_n

Buhay nga naman parang life ika nga…

Tuwing sumasapit ang ating kaarawan, tayo ay nahaharap na balikan ang isang taong lumipas, tignan kung paanong ang ating buhay ay naging makabuluhan.

At ngayong araw na ito, nagdiriwang ako ng aking ika 36 na kaarawan, panibagong regalong buhay, sa mga nakalipas na araw, talaga yatang laging dumarating sa akin ang tinatawag na birthday syndrome, itong umaga, pumunta ako ng Baguio, namalagi ako sa Pink Sisters, nagdasal, at inubos ang buong umaga ko duon, pag sumasapit ang birthday ko, mas gusto kong napag iisa, dahil mas nakakapag isip ako, at nakikita ko ang maraming biyaya ng Diyos sa akin.

Sa nakalipas na isang taon, tunay na mabiyaya, naka graduate ako sa Theology, nakapag perpetual profession ako at na ordained akong deacon, maraming pagsubok – pero mabiyaya, maraming kalungkutan – pero mas lamang ang kasiyahan, maraming palpak na mga desisyon ko – pero alam kong pangatawanan, maraming kabiguan – pero ako ay nagtagumpay.

Ang birthday ay nagtuturo sa atin kung paano muling isilang, ang pag alala sa ating kapanganakan ay pag alala kung paano magsimula.  Kahit na ano pa man ang nangyari kanina, kahapon, nuong nakaraang buwan at taon, ang mahalaga ay magsisimula kapag nadapa, nagkamali, nasaktan sa buhay.  Huwag hihintong muling sumubok, maniwala at umasa.

Sa nakalipas na 36 na taon sa buhay ko, masasabi kong marami akong dapat ipagpasalamat sa Diyos, samahan ninyo ako at turuan na mas magbahagi pa ng aking buhay sa inyo.

Ang aking dasal ang inaasam kong naway ang makita ng Diyos ang batang Kanyang minahal, inaruga sa loob ng 36 na taon ay namumuhay sa kagustuhan Niya.

Marahil, hindi lang tuwing sasapit  ang ating kaarawan tayo ay tumingin sa paraan kung paano tayo mamuhay, maaring maging si Joebel, Ate L, Francis, Mang Ricardo at si Richie ang buhay natin, ang tanong na lang ay alin ang pipiliin natin at gagawing inspirasyon sa mga buhay nila.

At makikita natin ang kahalagahan ng buhay kapag tayo na mismo ang nawalan, tayo na mismo ang nagbigay, tayo na mismo ang humandusay – handog buhay para sa iba.

Sana rin tignan natin si Kristo sa banal na Eukaristiya, na buong buo na nag alay ng kanyang sarili sa ating lahat.

Gawin nating makubuluhan ang ating buhay, hindi pa huli ang lahat…

VOW OF CHASTITY

•Hulyo 2, 2015 • Mag-iwan ng Puna

More than a month from now, I will be consecrated to live in the vow of chastity (celibate state). I need to accept that I will be forever single, no wife, no children, yet I do have many good and close friends, not exclusive (particular friendships and relationships). I need to detach and not to cling from them. I can easily let go, move on and say goodbye to anyone at any time since my vocation and mission are now my priorities in life. My identity as celibate is clear to me realizing that Christ alone is my True Treasure.

11028370_1444275039210183_6341896943728340492_n

The vow of chastity is not meant that I cannot get married or have sex; this vow does not simply restrain me to love someone special, rather the vow of chastity gives me the freedom to love, that is, to love wholly without limitation everyone in spite of of distinction.

This vow of chastity frees me to love. This love should be trustworthy. People can trust me because of my vow of chastity without being afraid of abuse or their love taken for granted. I fail to live up to the vow of chastity when I fail to love others. Talaga palang may FOREVER!