SIGAW NG KABATAAN!

“Sigaw ng kabataan, Si Marcos hindi hero!”

“Ang tao, ang bayan, ngayon ay lumalaban!

Ito ag dumadagundong na mga sigaw ng mga kabataan-estudyante ng De La Salle University, College of Saint Benilde, St. Scholastica’s College at College of Law of Arrelano University sa protest rally sa paglibing kay dating pangulo at diktador na Marcos.

15135807_1605610449743307_5584804767354091000_n

Kakaiba ang mga estudyanteng, nakita, narinig at nakasama ko kagabi. Akala ko patay na ang mga kabataan. Pero buhay na buhay pala. Buhay sa pakikialam at pakikisangkot. Kakaiba sa mga kabataang nakikita ko lang sa chapel at sa nasisilip kong mga classrooms.

Ang mga estudyanteng ang mga mata ay nakapako lang sa kanilang celfone, ay naging dilat na ngayon sa nangyayari sa lipunan.

Ang mga estudyanteng ang mga tenga ay may nakapasak na earphone lagi sa mga tenga nila, ngayon ay tinig ng mga sigaw ng mga na aaragrabyado ang kanilang pinakikikingggan.

Ang mga estudyanteng kapag nagsasalita at nagkukuwentuhan ay hindi nakukumpleto ang bawat pangungusap ng walang pagmumura, ngayon ang pagsasalitang ito ang ginagamit sa pagsigaw sa kung ano ang tama at moral.

15181134_1605610639743288_6863905574053626670_n

Hindi na ako makahinga at nakakabingi na ang sabay sabay na sigawan nila.

Lumayo ako ng konti. Hindi ako nakuntento, dumistansya ako, tumawid ako sa gitna, sa kabila. Kakaiba ang nakita ko, may dating pala. Nasabi ko na lang may pag asa pa pala ang bansa namin. Alam na ng mga kabataang ito kung paano gamitin ang kanilang mga tenga, mata at bibig – puso at isip pa.

Pananagutan at pakialam. Na proprotesta tayo dahil alam nating may mali. Nakamarka na sa kasaysayan. Maraming mga kapwa natin Pilipino ang namatay dahil sa Martial Law. Sumisigaw tayo ng katarungan.

Ang mga kabataang nakita ko kagabi kakaiba. Hindi na sila pa BEBE lang. May kamalayan na – hindi lang SHUT UP na lang lagi. At ngayon kumikilos na dahil alam nilang ang Y.O.L.O – you only live once – kaya dapat gawin ang tama.

15230806_1605610543076631_1255537169688284181_n

“Para naman kasing nabuhay na kayo nuong panahon ng Martial Law kung makapag protesta kayo…”

“Marami pang problema ang bansa, dapat mag aral kayo at huwag sayangin ang oras sa pagrarally.”

“Move on na…kayong mga Catholic schools…you create division…teach your students how to forgive.”

Ito ang ilan lamang na mga comments ng mga FB friends ko matapos kong i post ang mga pictures na kuha ko kagabi. (binura ko na lang, hindi dapat patulan).

Hindi ibig sabihin na hindi pa tayo nabuhay nuon, o hindi natin naranasan, hindi na tayo makikialam.

Ang kawalan ng kaalaman sa kasaysayan o sa ating nakaraan, ay maaring mag ulit sa masamang nakaraan.

Ang pagkatuto ay hindi lang nakukuntento sa apat na sulok ng classroom, kundi ang lumabas at isabuhay sa realidad na buhay ang mga natutunan.

15192613_1605610789743273_8057368149306805549_n

Nakikiprotesta tayo, dahil tayo man ay biktima.

Nakikisangkot  tayo sa pagbabago, dahil tayo man ay dukha.

Nakikisigaw tayo ng katarungan dahil tayo man ay namatayan.

Huwag nating kalimutan ang mga sakit ang taong nagdulot nito.

Para huwag din nating makalimutan na kailangan nating magpatawad.

Never Forget…Never Again…

Advertisements

MALING-MALI LAGI SI FATHER

Kapag sinimulan nya ng maaga ang misa, advanced ang relo nya,
Kapag na late na simulan ang misa, pinaghihintay nya ang mga tao.
Kapag may mga construction project sya, magastos si Father.
Kapag walang project, walang pakialam si Father.

Kapag kasama nya ang mga babae, playboy
Kapag mga lalake, pinagdududahan.
Kapag mga youth, kahina hinala
Kapag matandang babae, mama’s boy
Kapag nakadistansya sa mga tao, anti social at isnabero.

praying_priest_440.jpg

Kapag kabarkada ay mga matatanda, old fashioned.
Kapag kasama ay mga bata, out of place

Kapag matagal ang oras nya sa pagpapakumpisal, mabagal
Kapag mabilis magpakumpisal, wala syang panahong making sa nangungumpisal
Kapag nagsermon sya ng more than ten minutes, boring at homily abuse na
Kapag maikli naman ang sermon nya, hindi sya prepared.

Kapag ang boses nya ay malakas, sinisigawan ang mga tao
Kapag mahinahon magsalita, hindi maintindihan ang kanyang sinsabi.
Kapag may kotse si Father, napaka materialistic nya
Kapag wala naman kotse, napaka impraktikal nya at madalas nag tricycle lang.

Kapag laging bumibisita sa mga pamilya, lakwatsero
Kapag lagi lang na nasa loob ng kanyang kwarto, walang pakialam sa kanyang mga parishioners
Kapag humihingi sya nga mga contributions at donations, napakagastos nya
Kapag hindi naman humihingi ng pera sa mga tao, napaka yabang nya

prayer.jpg

Kapag sya ay bata pa, walang karanasan,
Kapag matanda na, dapat ng maretire

Kapag nagsorry sya sa mga mali nagawa, plastic at hindi totoo
Kapag hindi naman nag sorry, wala syang puso
Lagi na lang mali si Father sa paningin ng iba…

Habang sya ay nabubuhay, laging may mga taong mas magagaling sa kanya…
Pero kapag sya ay namatay…walang gustong sumunod na mga anak at batang lalake na maging paring papalit sa kanya.